Концерт «ҮЙЭЛЭЭХ ҮӨРҮҮ ҮРДЭЭТИН» — 31 Октября
Алтынньы 31 күнүгэр Былатыан Ойуунускай аатынан Саха тыйаатырыгар «Чороон XXI үйэ» хампаанньа 25 сыллаах үлэтин бэлиэтиир «ҮЙЭЛЭЭХ ҮӨРҮҮ ҮРДЭЭТИН» ураты этно-дьүһүйүүгэ ыҥырар.
Аныгы көстүүлээх, өбүгэбит үгэстэрин утумнуур, уус дьоммут талба талааннарын өрөгөйдүүр килбиэннээх дьүһүйүүнү «Чороон XXI үйэ» үбүлүөйдээх киэһэтигэр көрүөххүт.
Дьүһүйүү үс кэрдиистэн уонна үс кэмтэн турар.
Ааспыты анааран, билиҥҥи кэми кэмнээн кырачаан кыыс оҕо былыргы өтөххө туой күөс иһити булан, өбүгэлэрин кытта быстыспат ситимин айар кутугар уһугуннаран, дьоҕурун сайыннаран удьуорун утумнуур. Өбүгэ туой иһитин сахалыы таас иһиккэ уларытан, тупсаран, хас биирдии саха ыалын сандалытыгар баар буоларыгар ситиһэр.
Туойтан күөс таптайыллан, мастан чороон кыһыллан аныгы үйэҕэ саха иһитэ сиэдэрэйин, саха уустарын айар дьоҕурдарын сөҕө көрүөххүт.
Умсугутар дьүһүйүүгэ кыттыыны ылыахтара:
Гаврил МЕНКЯРОВ, Анастасия АЛЕКСЕЕВА, Анатолий БУРНАШЕВ, Санита АЙ, ЭРХААН, ≪ТУЙМААДА» ырыа ансаамбыла, ≪КЫЛ САХА» бөлөх, Аман АНХАРОВ, Василий НОВОПРИЕЗЖИЙ, Архан УЙГУ, А.Д. Макарова аатынан дьокуускайдааҕы култуура уонна ускуустуба колледжа, Марфа уонна Сергей Расторгуевтар ааттарынан саха циркэтэ, Аксения уонна Наталья Посельскайдар ааттарынан дьокуускайдааҕы балет оскуолата, ≪ГОЛОС» ырыа устуудьуйата.
Бэлиэ күн сөҕүрүйбэт күөртээх уус, өркөн өйдөөх бөлүһүөк, норуот маастара МАНДАР УУС «Чороон XXI үйэ» хампаанньаҕа анаабыт саҥа алгыстаах харысхал ОЙУУ-ОҺУОР бэлэх уунуута уонна көрдөрүүтэ буолуоҕа!
• Атыы-дьаарбаҥката
• маастар-кылаастар
• Өйдөбүнньүк бэлэхтэр
Биирдэ буолар ураты тэрээһини куоттарымаҥ!
Онлайн билеты https://widget.afisha.yandex.ru/w/events/900858?regionId=74&clientKey=41418b8c-2c48-4932-8e70-dc0128c6b7c2
Рекомендуем
