Мин баар буолуохтаах хаартыскам – 13 Декабря
«Мин баар буолуохтаах хаартыскам»
Ахсынньы 13 күнүгэр 11:00 ч. Арассыыйа култууратын үтүөлээх үлэһиттэрэ Матрена уонна Алексей Павловтар салайааччылаах Саха Өрөспүүбүлүкэтин үүнэр көлүөнэтин судаарыстыбаннай тыйаатыра “Мин баар буолуохтаах хаартыскам” диэн нуучча суруйааччытын Виктор Астафьев кэпсээнигэр олоҕурбут испэктээкили көрдөрөр.
«Мин баар буолуохтаах хаартыскам» испэктээкил биһигини ааспыт үйэ 90-с сылларыгар, Саха сирин кытыы дэриэбинэтигэр көһөрөр. Ыраах сытар кыра нэһилиэк дьонун олоҕо тыйыс, ол эрээри, ураты дьоллоох… Биирдэ нэһилиэк баһылыгар төлөпүөннүүллэр уонна олохтоохторго соһуччу сонуну биллэрэллэр. Куораттан саамай дьиҥнээх ГЕОГРАФ-КЫТАЙДАР кэлэллэр!!! Кинилэр сири-уоту үөрэтэллэр уонна сири-дойдуну эрэ буолбакка, олохтоохтору эмиэ хаартыскаҕа түһэрэллэр!!! Нэһилиэк дьонугар олус күүтүүлээх уонна долгутуулаах түгэн буолар. Испэктээкил дьиҥнээх доҕордоһуу, дьиэ кэргэн уонна киһи-аймах сүрүн тирэх буолар кырдьыгын туһунан кэпсиир.
Виктор Астафьев суруйуута
СӨ норуодунай артыыһа Петр Андреев тылбааһа
Диана Сутакова инсценировката
Антон Ботаков туруоруута
СӨ култууратын туйгуна Мария Иванова сценографията уонна көстүүмнэрэ
Сааһынан хааччахтааһын: 12+
Уһуна – 1 чаас 20 мүн.
ҮКТ пресс-киинэ
#Минбаарбуолуохтааххаартыскам
#ТеатрюногозрителяЯкутииРСЯ
